Авионска несреќа во Индонезија: Нема преживеани во паднатиот авион со 189 патници

Претставник на индонезиската Агенција за спасување Бамбанг Сурјо денеска изјави дека нема да има преживеани лица откако авион на компанијата „Лајон ер“ утрово се урна во море набрзо по полетувањето од Џакарта.

Предвидувам дека нема да има преживеани, истакна Сурјо, додавајќи дека се уште не е пронајден трупот на авионот.

Авионот на „Лајон ер“ со 189 патници и членови на екипажот утрово се урна во море и потона во близина на островот Јава, само 13 минути по полетувањето од Џакарта.