Едно лице загина, а едно е тешко повредено кога авион Антонов Ан-2 се урна во регионот Нижни Новгород.
Според руското Министерство за вонредни ситуации, несреќата се случила во 4:10 часот по локално време, а во моментот на несреќата во авионот биле две лица.
Според првите податоци од истрагата, несреќата најверојатно се случила кога авионот удрил во далекувод и се запалил.
Едно лице починало на лице место, а другото е пренесено во болница со изгореници што зафатиле 50 проценти од неговото тело.
