Денеска според календарот на МПЦ е Преподобен Атанасиј Атонски.
Овој Атанасиј се роди во Трапезунт и живееше во десеттиот век. Крстеното име му беше Аврамиј. Рано остана сирак, па за него се грижеше некој византиски великодостојник кој подоцна го испрати во Цариград на школување.
Потоа Аврамиј се подвижуваше како монах (сега со името Атанасиј) најпрвин кај познатиот Михаил Малеин, а потоа на Света Гора. Околу него наскоро се собраа голем број монаси кои ја изградија лаврата Свети Атанасиј Атонски, или Великата лавра.
Заради големата чистота на срцето Бог му даде на свети Атанасиј дар да чудотвори. Се упокои во 980 година.
Според католичкиот календар денеска е Св. Бруно.
Бил роден во 1049 година, во Астија. Во 1080 година, папата Гргур Седми го прогласил за бискуп во Сењија. Тој му помогал на папата во борбата против мешањето на царот во внатрешните работи на црквата. Пишувал многу, па во историјата на христијанската книжевност бил познат како хагиограф, теолог, говорник и литургичар.
Свети Бруно умрел во 1123 година.
