Легендарниот музичар Бора Ѓорѓевиќ, попознат како Бора Чорба, почина денеска во болница во Љубљана на 72-годишна возраст.

Оваа вест ги потресе сите оние кои го познаваа, ја сакаа неговата музика, а израснаа со групата „Рибља Чорба“.

Сега од него се прости и музичарот Момчило Бајагиќ – Бајага.

– Кога ја слушнав веста утрово, навистина ме погоди. Го нема Бора, голем поет, музичар и мој пријател. Знаевме дека е болен… Меѓутоа, Бора веќе неколку пати поминал низ нешто слично. Се надевав дека сега ќе се извлече и сега. Тој остави голем белег во поезијата и рок музиката. Многу ќе ми недостига, вели Бајага.