СДСМ да не политизира и да прифати намалување на ДДВ-то за струја од 18% на 5% да остане и во иднина, се истакнува во денешната реакција од опозициската ВМРО-ДПМНЕ.
Реакцијата ја објавуваме во целост:
СДСМ да не политизира и да прифати намалување на ДДВ-то за струја од 18% на 5% да остане и во иднина.
Предлог решението на СДСМ за намалување на ДДВ-то за струјата е со рок на траење од една година, а после тоа уште една година со ДДВ од 10% за по две години од сега истото да се врати пак на 18%.
Ценовниот шок кој би дошол денес, ќе дојде за една година од сега. Се што прави СДСМ е само премостување на периодот пред избори, со цел граѓаните да не се соочат со високи сметки пред избори, туку во период по избори. Токму затоа СДСМ се неискрени и манипулативни.
Наместо политикантски решенија СДСМ да го прифати предлогот на ВМРО-ДПМНЕ и да се изгласа со законска измена намалувањето на ДДВ на струја да остане и во иднина.
Народот не треба да го плаќа покачувањето кое дојде како ефект на крадењето и лошото работење во енергетиката.
Време е за одговорно однесување. Време е за Македонија за сите луѓе!
