Бојан Јовановски денеска поднесе кривични пријави за функционери за злоупотреба на службена положба и овластување, изнуда, измама, давање на лажен исказ, можеби тортура и несовесно лекување.
Неговиот адвокат Сашо Дукоски истакна дека Јовановски го користи законското право од член 273 од Законот за Кривична постапка и каде што е набележано дека секој граѓанин може да поднесе кривична пријава за кривично дело што се гони по службена должност.
-Кривичните пријави ќе бидат поднесени најмалку за неколку кривични дела и тоа пред се за злоупотреба на службена положба и овластување , изнуда, измама, давање на лажен исказ, можеби тортура, несовесно лекување, потенцираше Дукоски Ние баравме досега неколку пати да поднесеме кривична пријава кај републичкиот обвинител, сега поднесовме барање во ОЈО Скопје, од страна на републичкиот обвинител ни беше делегиран заменик на обвинителката од истото обвинителство, рече Дукоски
Бојан Јовановски за случајот „Рекет“ беше осуден на вкупно 9 години затвор. По изрекување на пресудата неговиот адвокат изјави дека неговиот клиент е осуден без докази и без да се вештачи неговиот телефон каде постојат фотографии и видеа кои може да се користат како докази и сето тоа е направено за да се спасат покрупни ѕверки кои имале допир со парите.
Јовановски веднаш откако ја слушна изречената казна изјави дека има подготвено кривични пријави за повеќе лица, а парите треба да се бараат кај Зоран и Вице Заеви.
Телма истакнува дека Боки поднел 11 кривични пријави со неколку десетици имиња на функционери и на политичари и на државни службеници но и на болнички менаџери и бизнисмени. Тој барал да се поднесат пријавите на записник поради што пријавувањето траеше со часови. Неговиот адвокат не ги открива имиња за да не го прекрши законот и да не и наштети на постапката, но откри за какви дела се стокмени пријавите на Боки 13 и дека за наведеното може да се бараат докази и во државни институции и обвинителства.
