Високиот суд на Велика Британија го отфрли барањето на претприемачот Маркус Бол да се жали до Врховниот суд на одлуката да не му се суди на премиерот Борис Џонсон поради наводното лажење за Брегзит.
Лондонскиот суд одлучи во мај да го повика Џонсон да се појави во институцијата поради предистрага, со која ќе се утврди дали предметот ќе му биде даден на друг суд, поради сомнеж дека во кампањата во 2016 година за референдум во врска со Брегзит лажел околу цената за членство на Велика Британија во ЕУ.
Одлуката ја поништи Високиот суд во Лондон.
Маркус Бол го обвини Џонсон дека пред референдумот во 2016 година, додека се уште бил градоначалник на Лондон, наводно свесно лажел тврдејќи дека Велика Британија му уплаќа на Брисел 400 милиони евра неделно.
