Нашата цел е да го минимизираме влијанието на македонизмот во С. Македонија, македонизмот е расистичка теорија, вели историчарот од Бугарската академија на науките, Воин Божинов.
Тој за Бугарското национално радио вели дека голем проблем за бугарската влада ќе биде да го зачува бугарскиот национален идентитет наспроти една идеологија која станува се поагресивна.
– Македонизмот исто така бара европски легитимитет. Ако го дозволиме ова, нема враќање назад. Фактот што некои земји молчат во моментот не значи дека бугарската позиција не се слуша, секој ги следи своите интереси, ја пренесува Њуз.бг изјавата на Божинов.
Тој верува дека официјален Берлин ќе продолжи со својата позиција, што ќе ја стави Бугарија со тежок избор.
– Бугарија е во многу деликатна ситуација. Грција ги изми рацете на величенствен начин со Договорот од Преспа, а пред европската јавност ние сме главниот виновник за одложувањето на процесите на евроинтеграција на Западен Балкан, вели историчарот Божинов.
