Британското Министерство за одбрана објави дека силите на Евгениј Пригожин се движат кон север, низ регионот Воронеж, со речиси сигурна цел да стигнат до Москва.
Во Ростов на Дон, Вагнер речиси сигурно ги презел клучните безбедносни локации, вклучувајќи го и штабот што ги води руските воени операции во Украина, објави британското министерство на Твитер.
Оттаму оценуваат дека конфликтот меѓу Пригожин и руското воено раководство претставува најголем предизвик за руската држава во последно време и додаваат дека во следните часови лојалноста на руските безбедносни сили, особено на руската Национална гарда, ќе биде клуч за исходот на оваа криза.
Додека од терен пристигнуваат спротивставени информации за напредувањето на Вагнерците и судирите со руската армија, портпаролот на Кремљ, Дмитриј Песков, изјави дека претседателот на Русија е во неговиот кабинет и работи.
Во градот Липецк, кој се наоѓа на нешто повеќе од 400 километри од главниот град, на патот од Воронеж кон Москва, граѓаните добија порака да не ги напуштаат своите домови.
Од безбедносни причини, се замолуваат жителите на регионот Липецк да не ги напуштаат своите домови без итна потреба. Во моментов, сите власти и агенциите за спроведување на законот работат во засилен режим. Со цел да се обезбеди мир и безбедност на граѓаните на регионот Липецк, оперативниот штаб на регионот бара од жителите да не ги напуштаат своите домови без итен треба и воздржете се од какви било лични или јавни патувања со превоз, соопштија од централата на регионот Липецк.
Некои светски медиуми ја објавија информацијата дека цел на руската армија била конвој возила во кој биле припадници на Вагнер. Нападот наводно се случил на автопатот М-4, во близина на градот Воронеж.
Руските власти најавија дека е можно да се прекинат интернет-врските на териториите каде се спроведуваат антитерористички мерки.
