Поранешниот специјален претставник за односите со Бугарија, Владо Бучковски, во емисијата „Утрински брифинг“ изјави дека бугарскиот премиер Кирил Петков се нашол во „стапица на бугарските националисти“ при отворањето на клубот Иван Михајлов во Битола.
– Тој според мене се најде во стапица. Несакајќи да остави, условно речено, националистите да ја водат приказната околу евентуалниот компромис со Македонија, беше изложен на притисок и од нашата домашна јавност кај која загуби дел од симпатиите затоа што сите ние верувавме дека неговиот пристап е вистинскиот начин како ние да дојдеме до одржливо решение, вели поранешниот премиер и олеснувач во македонско-бугарскиот спор.
Бучковски смета дека во овој момент и самото бугарско општество не е созреано да прифати одблокирање на евроинтегративниот пат на Македонија и со тоа се врши притисок на прогресивните сили во Бугарија.
– Сега е вистински проблем да изградиме систем, кој засега не функционира, на взаемно уважување, барајќи во такви околности некои точки кои може да не поврзат – каде би бил тој заеднички содржател, кој во овој момент ние не го гледаме, рече Бучковски.
