Славната холивудска актерка Демир Мур (61) привлече големо внимание во бикини, додека уживаше со семејството во текот на викендот. Семејството се собрало за да го прослави 33-тиот роденден на ќерката Скаут Вилис, а Деми Мур ја покажа прекрасната фигура во бикини.
На една од фотографиите се гледа и Деми Мур во бел костим за капење држејќи ѝ ги рацете на внуката Луета, ќерка на Румер Вилис и Дерек Томас. Изгледот на актерката веднаш беше пофален.
„Како може некој да има баба како Деми Мур? Јас би умрела“, „Ти си убава, но отсекогаш сум ја обожавала мајка ти“, „Имам многу почит за тебе, Деми. Сите зборуваат за пластичната операција, а ти овде покажуваш како навистина изгледаш“, се дел од коментарите.
Деми неодамна се најде на удар на критики поради тоа што објави фотографија на која е со деколте до папокот. „Баба се обидува да изгледа како девојче со помош на пластична хирургија“, „Изгледаш старо“, „Овој изглед не ти одговара на годините. Треба да ја скратиш косата, да си ги покриеш градите“, беа некои од коментарите.
Деми јавно ѝ го честита роденденот на својата ќерка. „На мојот сладок ангел… Најсреќен роденден! Почестена сум што сум твоја мајка и благодарна што го споделувам ова животно патување со тебе! Најдоброто допрва доаѓа и многу сум возбудена што ја гледам магијата што те следи. Те сакам“, напиша Деми.
Мур ги има Скаут, Талула и Румер во бракот со својот поранешен сопруг Брус Вилис.
