Рускиот ветеран Тимур Дибиров беше е меѓу најрадосните вечерва на прославата на втората европска титула, со оглед низ што тој и неговите соиграчи минуваа за да дојдат до неа.
„Ние сме тим, ние сме екипа со 18 капитени. Се најдовме во ужасна ситуација по првото полувреме со Барселона, но направивме голем пресврт. За време на одморот се погледнавме и си рековме – ако треба ќе изгинеме, но нема да загубиме. И самите видовте што се случи потоа. А, јас ќе мора да гледам видео за да се потсетам, бидејќи се уште целото второ полувреме ми е низ магла“ – изјави Тимур Дибиров.
