Министерот за навдорешни работи смета дека првите три месеци од годинава се важни за евроинтегративниот процес на државата, за што вели многу ќе помогне ако се донесе Законот за јавно обвинителство, а најави и дипломатска офанзива.
-Нашата задача сега е да ветуваме помалку, а да сработиме максимум. Мора да се фокусираме и мојата цел и целта на ова Министерство во следниве неколку месеци веднаш во новата година е да продолжиме со една дипломатска офанзива. Ќе биде многу од помош ако Собранието успее да го усвои двотретинснкиот закон за Јавното обвинителство. Тоа ќе помогне во оваа активност. Комисијата најави свој предлог за нова методологија кон крајот на јануари. Ќе има и краток извештај за реформските перформасни кон крајот на февруари, почетокот на март. Така што јануари, февруари, март се многу важни месеци за да го направиме тој пробив. И се надевам дека 19-та ако беше година на НАТО членството што формално исто ќе се затвори во 20 -та година, 20 – та ќе биде европска година, вели Димитров во Интервју за Канал 5.
Запрашан во врска со аферата Рекет и Боки 13, рече разбрал некаде во јуни месец кога била веќе отворена предистрагата од надворешен фактор.
-Многу е важно што има ефикасна судска развршница тоа прашање, што има таков фокус и лупа од јавноста. Меѓутоа, исто така, е важно тој случај да не направи да ги заборавиме сите случаи и одговорноста која што ни треба и која што и Европа ни ја бара од индициите за криминалот од прислушуваните разговори. Тоа ни е конкретна задача од Европскиот совет и токму затоа е важен и законот за јавното обвинителство, рече Димитров.
Очигледно дека на министерот Димитров повеќе му се зборува за прислушувани телефонски разговори за „шамарите во Центар“ отколку за најголемата криминална афера што се случува во неговиот мандат, а дипломатската офанзива што ја најавува доаѓа како шлаг на горчливата торта од ЕУ што ни ја зготвија во време на неговиот мандат.
