Украина има добро осмислена дипломатска стратегија за да се спротивстави на рускиот притисок и нема да дозволи повторување на трагедијата од 2014 година, изјави украинскиот министер за надворешни работи Дмитриј Кулеба во напис за НВ.
– Украина има добро осмислена дипломатска стратегија за да се спротивстави на руската ескалација. Сега има обвинувања дека Украина го потценува нивото на заканата. Но, ние бевме тие што во ноември инициравме развој на сеопфатен пакет за совладување на Русија, кој вклучуваше три нивоа: активна дипломатија, строги економски санкции против Русија и длабинска одбранбена соработка со нашата земја, изјави украинскиот министер за надворешни работи.
Тој додаде дека кон тријадата сега се додава нов елемент – помош за зачувување на економската и финансиската стабилност на земјата.
Тој нагласи дека Украина станала посилна и нема да дозволи повторување на трагедијата од 2014 година, а партнерите на земјата веќе направиле повеќе за да се спречи кризата отколку пред осум години.
