Три месеци без работа и без приходи – кризата со коронавирусот соочи голем број Германци со големи финансиски тешкотии. Експертите очекуваат бран банкротства. Невработеноста вртоглаво се зголемува, објави Дојче Веле.

Многу Германци сега сфаќаат колку е сериозна нивната финансиска состојба.

Поради кризата со коронавирусот, многумина ги загубија своите работни места или работат со скратено работно време, а долговите се акумулираат. Неодамна беа објавени статистиките кои покажуваат дека се повеќе Германци имаат потешкотии во плаќањето на нивните наемнини.

Германската Влада официјално на почетокот на кризата објави дека од 1 април до 30 јуни годинава на оние кои изнајмуваат не им е дозволено да ги иселат станарите кои не платиле. Меѓутоа, во овој случај станува збор само за одложување, а не за прошка на долгови.

Казнената камата исто така се акумулира. Исто така, критична е и состојбата на многу продавници, ресторани и барови, кои беа без клиенти веќе три месеци, а изнајмувањата не беа намалени на сите од нив.

Економските експерти предвидуваат  бран банкротства од авгус. Бројот на домаќинства и физички лица со долгови се очекува нагло да се зголеми во наредните месеци. Прогнозите не можат да бидат целосно точни, затоа што досега немало таква ситуација.

Но, под различни сценарија, бројот на приватни банкротства може да се зголеми за 15 отсто оваа година на 100.000, објави весникот „Велт“. И ова и покрај мерките преземени од страна на владата за ублажување на економските последици од кризата со коронавирусот.

Усвоен е огромен пакет мерки за стимулирање на економијата, во висина од 130 милијарди евра, кој вклучува привремено намалување на ДДВ, финансиски бонус за семејства со деца, намалување на цената на електричната енергија, субвенционирање на купување електрични автомобили итн.

Експертите стравуваат од најтешки шокови на пазарот на трудот. И покрај многуте апликации за работа со скратено работно време (за над 10 милиони луѓе во март и април), невработеноста се зголемува. Според Агенцијата за труд, за еден месец (од април до мај) бројот на невработени се зголемил за 169.000 и достигнал 2,8 милиони.

Заедно со невработените и вонредните работници, самоосигурените се под најголем ризик: наставниците кои со месеци не воделе курсеви; музичари останаа без публика; ресторани. За многумина е јасно колку е сериозна нивната финансиска состојба само сега – штом веднаш се започне грижата за страдањата од пандемија и дневните трошоци почнуваат да стануваат неподнослив товар.

Луѓето изложени на ризик од несолвентност можат да се потпрат на помош на финансиски советници кои помагаат и посредуваат во одложување на долговите.

Помош даваат и централте за заштита на потрошувачите. Во некои случаи, излегува дека засегнатите воопшто не знаат кои опции за финансиска поддршка имаат. На пример, за семејствата беа обезбедени дополнителна помош – на пример, за патувања во училишни екскурзии на деца или за потребни наставни материјали.