За жалење е состојбата во општините Гостивар и Тетово, со кои раководат Арбен Таравари и Билал Касами, кои се меѓу општините кои лошо се менаџираат и се во долгови, соопшти денеска опозициската ДУИ, која две децении беше на власт и во Македонија и во градовите за кои сега реагира.
Во продолжение целото соопштение од ДУИ:
Со долг од десетици милиони евра прво на листата е Јавното претпријатие за општински дејности Гостивар, а потоа општина Гостивар која 7 години по ред продолжува да оди се подлабоко во долгови.
Демократската Унија за Интеграција веќе ја алармираше јавноста за критичната финансиска состојба на соодветните општини и дека на граѓаните јасно им е зошто недостигот капиталните инвестиции во овие општини.
Во однос на долгот не е ништо подобра ниту општина Тетово, која ја предводи Билал Касами. Касами, наместо да се занимава со менаџирањето на општината, му конкурира на колегата, градоначалникот на Гостивар, Арбен Таравари, кој меѓу нив е најдобар вазал на нивниот газда Мицковски, а општината и јавните претпријатија продолжуваат да тонат во долгови.
Но, не можеме да очекуваме повеќе од предводниците на нарушувањето на албанскиот легитимитет.
ВЛЕН, откако ги деградираше сите достигнувања на Албанците во извршната власт, реши целосно да ја потоне состојбата на општините со кои управуваат, не обврзувајќи се да завршат ниту еден капитален проект за општините со кои управуваат. Граѓаните не заслужуваат вакво лошо управување.
Граѓаните заслужуваат многу повеќе и такво нешто наскоро ќе се случи.
Вазалите ќе ја добијат казната, а граѓаните ќе имаат достоинствена застапеност и на локално и на централно ниво.
ДУИ
(Фото: Од свеченоста на инвестицијата на фабриката за електро автомобили во Тетово на ДУИ и СДСМ, која се „реализира“ само на фотографии)
