Европската Унија го затвора својот воздушен простор за руските авиони, ги забранува руските државни медиуми Спутник и „Русија денес (РТ)“ и почнува да санкционира „уште еден агресор во оваа војна, режимот“ на белорускиот претседател Александар Лукашенко.
Откако некои европски земји денеска го затворија својот воздушен простор на индивидуално ниво со руски авиони (Франција, Италија, Данска, Чешка, Словенија и, меѓу другите, балтичките земји), претседателката на Европската комисија, Урсула фон дер Лајен, објави дека Европската комисија ќе направи истото, на ниво на целата заедница.
„Прво, ние го затвораме воздушниот простор на Европската Унија за авиони во сопственост на Русија, регистрирани или контролирани од Русија“, рече Фон дер Лајен, објаснувајќи дека руските авиони, вклучително и олигарсите, повеќе нема да можат да слетуваат, полетуваат или летаат над територијата на Европска Унија.
Европската Унија ќе ги забрани и руските државни медиуми „Русија денес (РТ)“ и Спутник.
„Второ, ќе ја забраниме медиумската машина на Кремљ во Европската Унија“, рече таа.
Спутник и РТ, вели фон дер Лајен, повеќе нема да можат да ги шират „своите лаги за да ја оправдаат војната на Путин“. Во продолжение на своето обраќање, Фон дер Лајен најави и дека Европската комисија ќе почне да санкционира „уште еден агресор во оваа војна“.
