Филипче ги стави на чекање за вакцини помладите од 40 години, но денеска се вакцинираа Маричиќ, Бектеши и Бочварски – сите под 40 г.

Додека Венко Филипче изјавува дека граѓаните под 40 години ќе почекаат за вакцинација, тројца од министрите кои се вакцинираа денеска се уште немаат наполнето 40 години.

Бочварски, Бектеши и Маричиќ си добија вакцина иако се уште не наполниле 40 години. Бочварски и Бектеши се родени во 1985-та година, а Маричиќ 1983-та.

Вчера и Зоран Заев рече дека оние кои се постари од 40 години ќе почекаат за вакцинација додека да стигнат поголеми количини.

Зошто се побитни и покритични министрите помлади од 40 години од оние граѓани кои исто така работат, на пример во маркет или сервис каде имаат контакти со стотици граѓани, не е јасно.