Лицето кое упатуваше јавни закани преку социјални мрежи кон семејството на лидерот на ВМРО-ДПМНЕ, Христијан Мицкоски, добило благодарница од претседателот на државата Стево Пендаровски.
Пендаровски во 2019 година му доделил благодарница за успешна соработка и поддршка на заканувачот, Роберт Тодоровски, кој е инаку претседател на РХО Здружени срца од Прилеп.
Имено, на социјалната мрежа Фејсбук се упатуваат јавни закани кон семејството на Мицкоски каде се наведува дека доколку му е мило семејството да си остане мирен.
„Во спротивно ќе ги најдеш децата твој фрлени во некој канал како кучиња“, се наведува во постот.
Постот е споделен од два различни профили и е јавно видлив за сите.
Доколку детално се прочешла Фејсбук профилот на заканувачот ќе се види дека тој е голем поддржувач на премиерот Димитар Ковачевски како и на власта.
Постојано ги споделува неговите постови на Фејсбук, а во меѓувреме упатува закани по животот на децата на лидерот на најголемата партија во земјава.
Дали по ова ќе следува соодветна пријава од страна на Министерството за внатрешни работи?
