Селекторот на македонската фудбалска репрезентација Игор Ангеловски денеска го објави списокот на играчи за претстојните дуели со Полска и со Австрија.
Двете средби се од квалификациите за Европското првенство 2020 година. Натпреварите ќе се играат на 7 јуни против Полска и три дена подоцна со Австрија.
Ангеловски ги повика следниве фудбалери:
Голмани: Столе Димитриевски, Дејан Илиев и Дамјан Шишковски.
Одбрана: Стефан Ристовски, Висар Муслиу, Егзон Бејтулаи, Кире Ристевски, Дарко Велковски, Кристијан Тошевски и Ѓоко Зајков.
Среден ред: Енис Барди, Адријан Адеми, Бобан Николов, Езџан Алиоски, Ферхан Хасани, Елиф Елмас, Кире Маркоски и Марјан Радески.
Напад: Горан пандев, Илија Несторовски, Александар Трајковски, Крсте Велковски и Дарко Чурлинов.
Двата меча ќе се играат во Скопје на Националната арена „Тодор Проески“
