Висок службеник на германската Влада денеска најави дека поради зголемувањето на бројот на новозаразени со коронавирус на есен може да се воведат нови ограничувања за луѓето кои не се вакцинирани против Ковид-19.
– Вакцинираните луѓе дефинитивно ќе уживаат повеќе слободи од оние кои не се вакцинирани, изјави денеска шефот на кабинетот на канцеларката, Хелге Браун за Билд.
Според него, ако бројот на инфекции продолжи да расте, невакцинираните лица ќе мора да го ограничат контактот.
– Ова значи дека посетите на киносали, ресторани или стадиони нема да бидат можни дури и за невакцинирани лица кои имаат негативен тест, затоа што и оние кои биле тестирани негативни имаат голем ризик од пренесување инфекцијата, рече Браун.
Претходно, министерот за здравство Јенс Шпан исто така изрази загриженост дека инциденцата, ако ништо не се смени, на есен може да ја надмине границата од 800.
