Повеќе часа без испорака на топлинска енергија на корисниците на парно греење се потрошувачите од неколку населби во Скопје.
Од ЕСМ Дистрибуција соопштија дека има дефект во системот, а нивни екипи се на терен за да го отстранат.
„Поради лоцирање на дефект на дистрибутивната мрежа во моментов има прекин во испораката на топлинска енергија кај потрошувачите од Центар, Аеродром, Ново Лисиче, Кисела Вода и Автокоманда. Екипите на ЕСМ Дистрибуција на топлина се на терен со цел точно лоцирање на дефектот и изолирање на истиот, со цел воспоставување на нормална испорака на топлинска енергија. За дополнителни информации, потрошувачите можат да се јават во Центарот за грижа за потрошувачи на телефонските броеви (02) 3076 200 и 075 400 100“, објави на својата веб страница ЕСМ Снабдување.
Повеќе детали ќе соопштиме откако ќе добиеме информации за дефектот.
