Напаѓачот на Атлетико Мадрид, Антоан Гризман ќе се приклучи на Барселона на 14 јули, пренесува „Ел Мундо Депортиво“.
Извршниот директор на „јорганџиите“, Мигел Анхел Хил потврди дека 28-годишниот Французин ќе оди во каталонскиот клуб.
Според извештаите во шпанските медиуми, од 1 јули клаузулата во договорот на Французинот ќе изнесува 120 милиони евра. Во моментов, неговата цена е 200 милиони евра. Манчестер Јунајтед, исто така, учествувал во борбата за Французинот.
Во сезоната 2018/19 Антоан Гризман зеде учество во 48 натпревари за Атлетико на сите турнири, постигна 21 гол и 10 асистенции.
