Хакери извршија координирани напади врз најголемите пензиски фондови во Австралија, при што се украдени заштедите на некои членови, а над 20.000 сметки се компромитирани.
Националната координаторка за кибер-безбедност, Мишел МекГинес, изјави дека напаѓачите упаднале во пензискиот сектор вреден 4,2 милијарди австралиски долари (2,4 милијарди евра) и дека се преземени итни мерки за одговор.
Според податоците на Австралиското здружение на пензиски фондови, за време на викендот биле нападнати неколку фондации. Компаниите AustralianSuper, Australian Retirement Trust, Rest, Insignia и Hostplus потврдија дека биле цел на нападите.
Австралискиот премиер Ентони Албанезе изјави дека владата е информирана за инцидентот и ќе реагира соодветно. Тој додаде дека вакви напади се случуваат редовно во Австралија, „на секои шест минути“.
фото: архива
