Во Хонгконг продолжуваат протестите против властите, блиски до официјален Пекинг, на кои во знак на поддршка кон демонстрантите им се приклучија и наставниците.
Тие од Владата бараат да одговори на барањата од демонстрантите и да престане да се служи, како што тврдат, со полициско насилство за растерување на учесниците во протестот.
Демонстрантите кои го преполнија главниот плоштад во финансискиот округ, носеле транспаренти на кои пишува „Заштитете ја следната генерација“.
Ова е десетта седмица како што се одржуваат протести во Хонгконг, кои не покажуваат знаци на намалување на масовноста. Овој викенд е планирано да се одржат неколку собири и барем еден марш.
Демонстрантите бараат оставка на градскиот лидер, демократски избори и независна истрага поради употребата на полициска сила.
