Поранешниот хрватски премиер Иво Санадер е осуден на шест години затвор поради примање мито од десет милиони евра, за на унгарската нафтена компанија МОЛ и го препушти управувачкиот пакет на хрватската нафтена компанија ИНА.
Дополнително Санадер е обвинет дека со директорт на МОЛ договорил издавање на нерентабилната гасоводна инфраструктура на ИНА, јави дописникот на МИА од Загреб.
За виновен во аферата е прогласен и директорот на МОЛ Золт Харнади и тоа поради давање на мито, а судот му одреди две годишна затворска казна.
Во образложението на пресудата за Санадер, судот наведува дека „користејќи ја положбата и функцијата премиер, на седница на Влада барал да се прифати извештајот со кој на МОЛ му се препушта управувањето со хрватската нафтена компанија ИНА, а тој извештај владата под негово раководство го прифатил и без основа МОЛ се стекнал со право да управува со ИНА.
Инаку, Санадер од април е во затвор каде што издржува затворска казна за примање на провизија за случајот „Планинска“.
