ИЛИНДЕНСКА ЧЕСТИТКА ОД РКЕ И МАРКО БИСЛИМОВСКИ: Дизелот ноќеска ќе поскапи за 1,5 денар, цените на бензините остануваат исти

Од ноќеска на полноќ, дизелот поскапува за 1,5 денар и ќе чини  95,5 денари, а цените на бензините остануваат исти, одлучи Регулаторната комисија за енергетика и водни услуги (РКЕ), на чие чело е Марко Бислимовски.

Според РКЕ, за 0,5 денари се намалува и цената на екстра лесното масло за домаќинство, додека мазутот поскапува за 0,503 денари.

ЕУРОСУПЕР БС – 95 ќе чини 95,50 денари за литар, цената на ЕУРОСУПЕР БС – 98 и натаму ќе биде 98 денари, екстра лесното масло ќе се продава по 94 денари, додека мазутот по 53,343 денари за килограм.

Со најновата Одлука на РКЕ се врши зголемување на малопродажните цени на нафтените деривати во просек за 0,40 отсто во однос на Одлуката од 27 јули 2022 година.