ИМА ДОЈАВИ, НЕМА МИР ЗА УЧЕНИЦИТЕ: Пак тревога за поставени бомби во неколку скопски основни училишта, МВР проверува

Дојави за поставени бомби пристигнале утринава во неколку скопски училишта, потврдуваат од МВР за МИА.

Дојави за бомби, според сознанија на МИА, има во основното училиште „Александар Македонски“ и во „Лазо Ангеловски“ на територија на Општина Аеродром.

Освен во средни и основни училишта, анонимни дојави за поставени бомби на почетокот на неделава имаше и во институции и трговски центри.

Дојава за поставена бомба и во кумановското ОУ „Браќа Миладиновци“

Дојава за поставена бомба утрово има и во кумановското Основно училиште „Браќа Миладиновци“, потврдија денеска надлежните од училиштето и од Советот на родители.

– Екипите на СВР Куманово се на терен, учениците и наставниците безбедно се евакуирани, изјави за МИА директорката на училиштето Јасмина Спасовска.