Италија се прости од поранешниот шеф на владата Силвио Берлускони, а илјадници луѓе, од политичката елита до високи странски функционери, присуствуваа на државниот погреб.
Меѓу нив имаше и голем број навивачи на Милан кои долго време скандираа за својот омилен претседател за време на носењето на ковчегот со посмртните останки.
Берлускони почина во понеделникот од леукемија на 86-годишна возраст, а погребната церемонија се одржа во катедралата во Милано.
Берлускони ќе остане запаметен, како што пренесуваат странските агенции, како „милијардер склон кон скандали кој доминираше со италијанската политика, бизнис и фудбал најмалку три децении, а освен што четири пати беше премиер, поседуваше и деловна империја, вклучително и медиумите на МФЕ. групацијата и фудбалскиот клуб Милан од 1986 до 2017 година и Монца од 2018 година.
