Најмалку седум лица загинаа во изборното насилство во Бангладеш, каде што вчера се избираа претставници на селските совети.
Изборите се очекува дополнително да ја зајакнат моќта на владејачката партија, додека постои загриженост за состојбата на демократијата во земјата.
Најголемата опозициска партија го бојкотираше гласањето, велејќи дека искривената политичка атмосфера спречила фер учество. За време на изборите двапати беа изнесени обвинувања за нерегуларности, а политичкото насилство го одбележа гласањето во Бангладеш и во минатото, особено за руралните совети.
Се уште не е познато колку членови на владејачката партија Авами лига се избрани да раководат со селските совети.
