Претседателот на Претседателството на Босна и Херцеговина, Бакир Изетбеговиќ денеска рече дека е нужно да се зајакне одбрамбената моќ на неговата земја и притоа Бошњаците ги повика на единство.
Тој, како што објавува Слободна Далмација, нагласи дека се повеќе ги загрозува политиката која се води на хрватска односно на српска страна.
Изетбеговиќ, кој учествуваше на годишнината од формирањето на Седмата муслиманска бригада на Армијата на БиХ во Зеница, ги повтори своите поранешни пораки дека БиХ мора да се наоружа и така да одговори на военото зајакнување на Хрватска и Србија.
Тоа е нужно за да не се повтори 1992 година, кога БиХ ослабена и разоружана се соочи со агресија, изјави Изетбеговиќ.
– Видете ги тие ракетни системи и авиони во Србија и Хрватска, и ние во сето тоа мораме да држиме баланс, бидејќи слабоста привлекува агресија, рече Изетбеговиќ, додавајќи дека вистински одговор на тоа е јакнење на воената индустрија во БиХ.
Тој напомена дека во фабриките во БиХ се довршуваат подготовките за почеток на производство на нови пушки, а веќе се произведуваат хаубици, повеќецевни фрлачи, дронови и различни видови на муниција.
СДА, партијата на Изетбеговиќ, соочена е со реални изгледи да остане надвор од власта во дејствувањето во БиХ, со бошњачко мнозинство, бидејќи партиите со граѓанска и левичарска ориентација не сакаат да коалицираат со СДА, и се обидуваат да формираат нова влада во жупаниите без партијата на Изетбеговиќ.
