Бројот на самоубиства во Јапонија во 2020 година е зголемен за првпат по 11 години и тоа е директна последица на проблемите предизвикани од пандемијата, се вели во владиниот извештај.
Само во 2020 година имало повеќе самоубиства отколку смртни случаи од Ковид-19 од почетокот на пандемијата до денес. Според статистиката на Гугл, Јапонија има вкупно смртни случаи од Ковид-19.
Минатата година се самоубиле повеќе од 21.000 Јапонци или 912 повеќе од претходната 2019 година.
Ова зголемување целосно се должи на зголемениот број на самоубиства кај жени кои биле вработени, се вели во извештајот. Повеќето од нив биле вработени хонорарно или привремено – група што е најмногу погодена од технолошки вишок и намалување на платите поради различни карантински ограничувања.
Во 2019 година, Јапонија имаше најмалку самоубиства од 1978 година, кога почна да се води таква статистика. Нивниот број се намалува веќе десет години по ред, но појавата на пандемијата на коронавирус го прекина овој позитивен тренд.
