Јапонската вселенска агенција (JAXA) денеска објави дека нејзиното беспилотно летало е на Месечината и дека воспоставила комуникација со сондата.

Јапонскиот паметен лендер за истражување на Месечината (SLIM) слета денеска на површината на Земјиниот сателит, пренесе АП.

SLIM е лесно вселенско летало со големина на патничко возило и користи технологија за „прецизно слетување“ која ветува многу поголема контрола од кое било претходно слетување на Месечината.

Додека повеќето претходни вселенски летала користеа зони за слетување широки околу 10 километри, SLIM цели кон цел од само 100 метри. Ова е резултат на две децении работа на прецизната технологија на Јапонската вселенска агенција, потсетува американската агенција.

Јапонија е петта земја што слета на Месечината, по САД, Русија, Кина и Индија.

Главната цел на јапонската мисија е тестирање на нова технологија за слетување што ќе им овозможи на лунарните мисии да слетаат „каде што сакаат, а не таму каде што е лесно да се слетуваат“, соопшти JAXA.

Во соопштението се наведува дека леталото ќе бара индиции за потеклото на Месечината, вклучително и анализа на минерали со специјална камера.