„Давање на лажен исказ е кривично дело. И по не знаеме кој пат, Кабинетот на Претседателот на Република Македонија ги отфрла искажаните лаги, измислени настани и непостоечка комуникација за вмешување на советникот Синиша Алексоски во случајот од 27-ми април“, се наведува во реакцијата од Кабинетот на Иванов.
Реакцијата доаѓа по денешното сведочење во судот од страна на обвинетиот за настаните од 27 април ланската година, Михаил Младеновски, кој за случувањата ја обвини тогашната структура на УБК, но го спомена и советникот за национална безбедност на Иванов, Синиша Алексовски, кој, според Младеновски, на неколкумина инволвирани им рекол дека до 22 часот претседателот ќе воведе воена состојба.
