КАБИНЕТ НА ПЕНДАРОВСКИ: Пировска e нов претседател на Комисијата за помилување, а нов член е новинарот Кежаровски

Претседателот на државата Стево Пендаровски донесе одлука за составот и за именување претседател и членови на Комисијата за помилување.

Како што соопшти Кабинетот на Пендаровски, за претседател на Комисијата за помилување е именувана Уранија Пировска, а за членови се именувани Фехми Стафа, Љубомир Јовески, Љубомир Михајловски, Темелко Ристевски, Ерол Рушид, Томислав Кежаровски, Божин Аврамовски, Сафет Aлиу, Зора Митиќ и Билјана Петковска.

Уранија Пировска е именувана за претседател на Комисијата за помилување на местото на Сабит Кранли, а нов член во комисијата е новинарот Томислав Кежаровски.

На местото на актерката Сабина Ајрула, за член на Комисијата за одликувања и признанија  Пендаровски донесе одлука за именување на актерката Амернис Јовановска-Нокшиќи.