Движењето БЕСА нема да учествува на денешната лидерска средба бидејќи сметаме дека оваа средба е свикана за да се спаси ДУИ од одговорностите, рече Билал Касами, претседател на Движењето БЕСА.
Тој додаде дека и движењето БЕСА е за уставни измени и дека ќе бара во овие измени еднаш засекогаш да се вклучи и реши прашањето со формулацијата – 20 проценти.
– Можеме да кажеме дека поканата на премиерот, веднаш по поканата на Движењето БЕСА е саботажа. Што се однесува до уставните измени, ние како Движење БЕСА изјавивме дека сме заинтересирани тие да се случат. Но, во ова отворање на Уставот бараме еднаш засекогаш да се реши прашањето за 20 проценти, изјави Касами.
