Ниту Катар ниту другите земји-производители немаат капацитет да го заменат рускиот гас течен природен гас (liquified natural gas – ЛНГ) доколку се прекине снабдувањето поради руско-украинскиот конфликт, предупреди денеска министерот за енергетика на Катар.
САД и европските сојузници се подготвуваат да воведат нови санкции кон Русија, кои би можеле да го вклучат рускиот гас и да го прекинат снабдувањето со енергија на Европа. Во последните недели Вашингтон ги прашуваше големите производители дали можат да го заменат рускиот гас во Европа.
– Рускиот удел во снабдувањето на Европа, мислам дека е од 30 до 40 проценти. Ниту една земја не може да замени таков волумен (гас), нема капацитет за такво нешто во ЛНГ, изјави катарскиот министер Саад ал-Кааби. гас во Доха.
– Поголемиот дел од ЛНГ е поврзан со јасни долгорочни договори и одредишта. Затоа е речиси невозможно да се замени толкаво количество (гас) за краток рок, објасни катарскиот министер.
Катар е еден од најголемите производители на течен природен гас во светот и, преку долгорочни договори, го продаде најголемиот дел од својот гас на клиенти во Азија, иако дел од него продава и во Европа.
Катарскиот министер објасни дека според склучените договори само 10 до 15 отсто од продадениот гас може да се пренасочи кон Стариот континент.
– Не станува збор дека не е договорен, прашање е дали може да се пренасочи. Поголемиот дел од гасот е поврзан со долгорочни договори, а 10 до 15 проценти веројатно би можеле да се пренасочат, рече Кааби.
