Кина денеска соопшти дека нејзината царинска служба треба да му даде приоритет при постапувањето во извозот на вакцините против Ковид-19 и да го олесни нивното царинење.

Царината треба да ги постави како приоритет, процедурите за инспекција на превозниците вклучени во извозот на вакцини против Ковид-19 и да го олесни царинењето на овие пратки, соопшти кинеското Министерство за транспорт во упатствата за логистика на вакцини против Ковид-19.

Локалните транспортни власти во Кина, исто така треба да воспостават „зелени канали“ со цел испорака на вакцини да ја направат приоритетна, стои во упатствата на Министерството.

Вакцината „КоронаВак“ на кинеската компанија Синовак се испраќа во Индонезија, Турција и Бразил за масовна имунизација, додека некои земји, вклучувајќи ги Египет и Обединетите Арапски Емирати, ги добија потребните дози од кинеската национална фармацевтска група Синофарм.