Командантот на штабот на НАТО Сараево и највисокиот воен претставник на Алијансата во БиХ, бригадниот генерал Ерик Фолкештад, истакна дека Босна и Херцеговина е и останува единствена земја со два ентитета и три конститутивни народи.
-Приказните за отцепување не само што не се корисни, туку и го одвлекуваат вниманието од вистинските прашања што треба да се решат. Она што е потребно е соработка во спроведувањето на неопходните реформи, на секое ниво во БиХ, што ќе ја направи иднината побезбедна, постабилна и попросперитетна, рече Фолкештад за агенцијата Фена.
Генералот посочи дека НАТО и земјите-членки ги повикуваат сите страни да ги насочат своите напори во токму во тој правец. Според него, не треба да се нагласува дека БиХ се соочува со безбедносни предизвици, како и секоја друга земја. Тоа се, наведе, миграциите, Ковид-19, дезинформациите и корупцијата, а, како што додаде, БиХ се први во сето тоа.
-НАТО и земјите-членки ќе продолжат да помагаат, и ги повикуваме властите на сите нивоа да пристапат кон овие прашања во духот на соработката и компромисот и да работат кон општото добро. Неуспехот во тоа ќе има последици врз работните места, платите и економијата, вели Фолкештад.
Според него, инвеститорите сакаат сигурност, политичка стабилност и да знаат дека законот се почитува и се применува на отворен и фер начин. Тоа, додава, им влева доверба да инвестираат и да отворат работни места, да го зголемат животниот стандард и да го направат животот подобар за сите луѓе во БиХ.
-Мојот тим и јас, како и амбасадорите на земјите-членки на НАТО, постојано се залагаме за реформи во овие области. Во поширока смисла, предизвиците со кои се соочуваме се премногу големи и премногу комплицирани за секоја земја поединечно. Затоа, партнерствата како Партнерството БиХ-НАТО е и регионалната соработка е толку важна, рече Фолкештад.
