Претседателот на косовскиот Парламент, Кадри Весели предложи воведената такса од страна на властите во Приштина за производите од Србија и БиХ да биде суспендирана на 120 дена, со цел во тој период да се создадат услови за нејзино укинување.
Весели, кој го објави таквиот предлог на Фејсбук, истакна дека со него минатата недела го запознал и американскиот амбасадор во Приштина, Филип Коснет, на средбата на која присуствувал и премиерот Рамуш Харадинај.
Тој додаде дека ако за 120 дена не се случат „радикални промени“ во однесувањето на Србија и БиХ, таксата ќе биде вратена.
Весели смета дека таксата треба да остане, но ова е мерка „во добрата верба кон САД и ЕУ“.
