Со вкрстено испрашување од одбраната на сведокот Звонко Костовски денеска во Кривичниот суд во Скопје продолжи судењето за незаконското следење на комуникациите „Таргет-Тврдина”.

На прашања од обвинетиот Владимир Валеров, сведокот Костовски кажа дека имал пристап до домејнот со сите компјутери на кои бил инсталиран најс-трак системот од каде можел да прави копија од привремено зачуваните документи што корисниците на компјутерите ги креирале.

На прашање од обвинетиот Валеров, зошто кога веќе дознал не му предочил на Горан Грујевски дека нелегално се прислушува, сведокот Костовски рече дека тоа се прислушкувања по наредба на Грујевски.

– Па што да му кажам повеќе што не знае, рече Костовски.

Во однос на тоа како бил контролиран од Горан Грујевски дека не ги пречекорил неговите насоки, сведокот Костовски рече дека не знае како Грујевски им вршел контрола, посочувајќи дека можеби тоа го правел преку неговиот претпоставен Небојша Стајковиќ, кој ги имал истите привилегии.

Прашан од обвинетиот Васил Исаковски, како го поврзал него со креираните ворд документи, Костовски рече дека ги имал имињата на сите репродуценти, па и од него.

– Од системите можев да утврдам од каде се логира корисникот и јас точно ја знаев локацијата на сите компјутери на кои е инсталиран најс програмот. На списокот со кориснички имиња кои ги предавав на Грујевски, тој кажуваше кое корисничко име ќе биде точно на кое лице и така знаев точно име и презиме на секој корисник, рече Костовски.

Појасни дека целиот список на корисници го имал Горан Грујевски и тој кажувал кој ќе го користи секој од корисничките сметки на репродуцери.

Случајот се наоѓа во доказна постапка и го води судијката Џанета Бегтовиќ, а застапник на обвинението е СЈО.

Судијката Бегтовиќ посочи дека денеска е предвидено да се заврши со вкрстено испрашување на сведокот.

Во предметот „Таргет-Тврдина“ на СЈО се обвинети поранешниот началник на Петтата управа во МВР Горан Грујевски, Никола Бошкоски, поранешната министерка за внатрешни работи Гордана Јанкулоска, поранешниот директорот на УБК Сашо Мијалков, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Вкрстено испрашување

Судењето за незаконското следење на комуникациите „Таргет-Тврдина”  на СЈО продолжува на 11 јуни со вкрстено испрашување на сведокот Звонко Костовски од страна на обвинетиот Сашо Мијалков и со сослушување на следниот сведок Сашо Трајковски.

На денешното вкрстено прашања од одбраната дали првите судски наредби во ипс системот биле на јануари 2015 година, сведокот Костовски рече дека не се сеќава, но доколку имало маркирање тоа било во 2015-та, зошто 2014 година не бил пуштен.

На прашање од обвинетиот Сашо Мијалков, дали без да се одреди корисничка сметка некому можело да се прави маркирање по судски наредби, сведокот Костовски појасни дека како и секоја друга година и 2014-та биле изработен 60 кориснички имиња за репродуценти. На таквиот одговор Мијалков му укажа дека прашува за 2015 година и ипс системот.

– Во фаза на тестирање мора да се направат кориснички сметки и за репродуцирачи и за маркирачите. Кажав дека корисничките сметки за сите корисници во ипс системот ги креирав јас, меѓутоа не беа предадени ниту на Грујевски, ниту на началничката. Не беа доделени и останаа на хартија и затоа велам дека системлт не беше пуштен во функција, истакна сведокот Костовски.

Појасни дека судска наредба за маркирање можеби била внесена и на двата система, со цел да се тестира ипс системот.

– За мене системот не е во употреба додека не се креираат кориснички имиња за сите и затоа велам дека не бил ставен во употреба, рече Костовски.

Прашан од Мијалков дали му е познато дека била формирана Комисија за имплементација на ипс системот потпишана од министер за внатрешни работи и раководена од Небојша Стајковиќ, сведокот Костовски рече дека не му е познато.

На барањето да ја појасни просторијата каде бил серверот, сведокот Костовски рече дека серверите од веринг системот се наоѓале во втората просторија, а на системот за гранична контрола во првата просторија.

– Кажав дека систем салата е 16 метри во ширина и пет до шест метри во должина. Тие се поделени на пола и има преграда на осум метри. Тие осум метри се поделени на пола и имаме две простории по четири метри. И сега од редот што е блиску до ѕидот и бирото до вратата има три до четири метри, изјави сведокот Костовски.

На прашањето дали видел судска наредба за маркирање, сведокот рече да, сосема случајно, но дека не ја читал. Прашан дали е сигурен кога вели дека има корисник дир, сведокот Костовски рече да, со сигурност тврдам зошто сите други беа со иницијали од име и презиме, а не сум чул некој со дир.
Во однос на тоа дали може да обезбеди докази за тоа што го кажува, сведокот Костовски рече дека докази обезбедуваат ЈО и судот.

– А, да не ги уништевте системите можеби и ќе имав, рече Костовски.

Во однос на веринг системот, сведокот Костовски појасни дека од Небојша дознал дека ќе се набавува нов систем и потоа пристапиле кон изработка на техничките барања.

Како топ администратори, рече Костовски, ги имавме сите привилегии, од слушање, маркирање, експротирање и слушање.

– Ние ги креиравме по насоки од началникот Горан Грујевски и да, можев да креирам корисничка сметка и за себе, рече Костовски.

Прашан дали можел да си креира корисничка сметка без никој да го открие, сведокот рече дека како топ администратор ги има сите привилегии и немал потреба да креира корисник со помали ингеренции.

– Доколку јас креирам корисник, тоа ќе биде регистрирано во системот дека топ администраторот креирал корисничка сметка, рече Костовски.

Прашан кој се можел да ги види лог фајловите, Костовски рече дека можело и друг со привилегија администратор, односно освен тој и Небојша Стајковиќ, дури и самиот производител на системот.

На прашањето зошто не задржал копија од лог фајловите како доказ за пред суд, сведокот рече дека вистинскиот доказ бил во самиот систем, а листа на внесени таргети во ексел табела не е никаков доказ.

Случајот се наоѓа во доказна постапка и го води судијката Женета Бегтовиќ, а застапник на обвинението е СЈО.

Во предметот „Таргет-Тврдина“ на СЈО се обвинети поранешниот началник на Петтата управа во МВР Горан Грујевски, Никола Бошкоски, поранешната министерка за внатрешни работи Гордана Јанкулоска, поранешниот директорот на УБК Сашо Мијалков, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.