Дел од парите на Еуростандард банка се префрлани во Турција? Неофицијалните информации од предистрагата на надлежните органи околу случајот на бизнисменот Крмзов говорат дека над 8 милиони евра се префрлeни на сметки во Турција, објави порталот Курир.
Истрагата, како што пишува порталот, се шири на повеќе струмички компании кои биле дел од шемата на струмичкиот бизнисмен за злоупотреба на парите.
Има основан простор за сомнеж дека биле подигани пари од Еуростандард банка, а тие биле префрлани на сметки во Турција.
Неофицијално, како што пишува Курир, семејството Крмзов имало веројатно спрега и со Јавното обвинителство чии предмети од поранешен сомнеж за криминал веројатно биле чувани во фиока. Ако не било така, упатените коментираат дека и немало да дојде до милионската штета во Еуростандард Банка.
Воедно, истрагата ја вклучува и Царинската управа каде за еден камион увезена роба се плаќало царина од само 1.500 евра, а за истата роба во последниот период по смена на раководството на царинска управа се плаќало дури за 15 пати повисоки давачки, што значи дека разликата се губела во нечии џебови.
Фрапантно е како директорите на УЈП, Централен регистар и тогаш на Царинската управа останале слепи на ваквиот криминал, пишува во анализата за оваа истрага.
Затоа за очекување е предистрагата да ги вклучи и овие лица во случајот. Во текот на вчерашниот ден беше објавено дека има сомнеж во истрагата да биде под сомнеж и Сања Лукаревска, екс директорка на УЈП.
Се повеќе се говори за овој случај и дека се шири и до компании кои стигнуваат до семејството на поранешниот премиер Зоран Заев.
Извор: Курир
