Последното испраќање и кремирањето на славниот актер Жарко Лаушевиќ ќе се изврши во понеделник на 20 ноември во 14 часот на Новите гробишта во Белград. Таква одлука донесе неговото семејство, телото на актерот да биде кремирано.
Кремирањето не беше толку распространето во Балканот, како во некои други подалечни земји, но во последната деценија беше во постојан пораст.
Што се однесува до Српската православна црква, иако кремирањето не го смета за христијански обичај, на своите верници им го одобрува по нивна желба, со тоа што во тој случај свештеникот го извршува обредот пред кремирањето.
