Легендарниот голман Џанлуиџи Буфон не размислува да замине во пензија, а меѓу многуте понуди по заминувањето од ПСЖ, најнова е таа на португалскиот Порто.
Менаџерот на Буфон, Силвано Мартина им потврди на португалските медиуми дека постои понуда од Порто и дека италијанскиот голман е заинтересиран за заминување во Португалија.
– Да, постои интерес од Порто, од каде што сме контактирани. Буфон сака да брани уште една година, Порто му се допаѓа, но има четири деца и семејство и мора да размисли околу тоа“, изјави Мартина.
Буфон има 42 години, кариерата ја започнал во Парма, а од 2001 до 2018 го бранел голот на Јувентус, од каде минатата сезона замина во ПСЖ.
