Првиот натпревар во рамки на полуфиналето во Лигата на шампиони (ЛШ) меѓу Реал Мадрид и Челзи ќе се игра на 27 април, додека првата полуфинална пресметка меѓу Пари Сен-Жермен (ПСЖ) и Манчестер сити е на програмата следниот ден, на 28 април, објави денеска Европската фудбалска асоцијација (УЕФА).
Реванш натпреварите по кои ќе бидат познати финалистите ќе се играат една недела подоцна. Реал ќе му гостува на Челзи на 5 мај, додека Сити ќе го пречека ПСЖ ден порано, на 4 мај.
Финалето во ЛШ ќе се игра на 29 мај во Истанбул на стадионот „Ататурк“.
