Белорускиот претседател Александар Лукашенко вчера се сретна со специјалниот пратеник на САД за Белорусија, Џон Коул, во Минск.
-Џон, би сакал да ви честитам за вашето назначување за специјален пратеник на САД. Вие сега сте главната личност за Белорусија. Можете ли да му кажете на г-дин Трамп дека ова нè обврзува да постигнеме одредени резултати. И ние ќе го сториме тоа, рече Лукашенко за време на состанокот.
Тој, исто така, позитивно ги оцени постапките на американскиот претседател: „Велат дека Трамп сака ласкање. Но, тоа не е мојата намера. Морам да кажам дека бев многу импресиониран од неговите неодамнешни постапки“, нагласи Лукашенко.
„Имаме многу проблеми. Светот се менува многу брзо, се појавуваат нови проблеми за кои вие и јас треба да разговараме. И можеби да решиме некои прашања“, истакна Лукашенко. Остатокот од состанокот се одржа зад затворени врати.
Во средата, за време на состанокот на Советот за безбедност на Белорусија, Лукашенко ја истакна улогата на Трамп во промовирањето мирно решение за Украина.
-Без разлика колку некои се обидуваат да ја потценат улогата на Трамп, тој одлично ја врши работата во овој поглед. Неговите изјави нема да останат незабележани од луѓето. Тој сака да ја запре војната за да спречи умирање луѓе. Можете да кренете врева за тоа и да кажете што сакате. Но, што може да се каже против она што го прават Американците денес“, праша тој во таа пригода.
