Синдикалци на батерии, со 794.000 денари годишни примања Васе Депинова, претседателката на синдикатот на поштенски и телекомуникациски работници зборува за минимална плата. Ова е лицемерието на Слободан Трендафилов и луѓето околу него, изјави Валентин Манасиевски, член на ЦК на ВМРО-ДПМНЕ.
Свиркачи кои ни ги доставија информациите за првите луѓе во ССМ се изреволтирани за односот на Трендафилов и луѓето околу него со Синдикатот како со своја фирма. Додека Трендафилов и луѓето околу него ги лажат работниците за минималец, тие имаат примања и неколкукратно поголеми од минималмата плата, додава Манасиевски.
Тој во изјавата за медиумите потенцира дека Слободан Трендафилов и тие околу него се разоткриени. Народот ги прочита и никој не им верува.
„Слободан Трендафилов со примања кои надминуваат 1.6 милиони денари годишно не може да биде синдикалец, тој само го злоупотребува синдикатот, а за таа цел користи неколку луѓе околу него кои исто така ги врзал со големи примања.
Трендафилов е прочитан. Народот гледа дека зад ССМ, всушност се крие СДС“, изјави Валентин Манасиевски, член на ЦК на ВМРО-ДПМНЕ.
