Договорот од Преспа е симбол на храбри и прогресивни државнички политики кои обезбедија стабилност, развој и прогрес, за нас и генерациите кои доаѓаат, напиша вечерва вицепремиерот за европски прашања Бојан Маричиќ на својот официјален профил на Фејсбук.
-Сириза и СДСМ како сестрински партии со храбри одлуки и преку солидарност, прогресивни политики и искрено пријателство го вратија духот на соработката во Југоисточна Европа и на Западен Балкан. Подадената рака на помирување на двете држави и народи, денес значи силно силно сојузништво во НАТО, 100 отсто поддршка на нашата земја на европскиот пат и меѓусебна почит, напиша Маричиќ, кој присуствуваше на третиот Конгрес на СИРИЗА во Атина.
Подобрата иднина, како што наведе, ја носат партиите од левицата и од социјал-демократското политичко семејство.
