Новиот мега аеродром во Истанбул е „проект на заштитена трговска марка” на Турција, објави денес министерот за транспорт, поморски работи и комуникации, Ахмет Арслан.
Зборувајќи за Агенцијата Анадолија, Арслан рече: “Навистина, тоа е престижен проект, а во исто време е проект за трговски бренд на Турција, а во исто време тоа е проект кој ќе придонесе и за вработувањата и економијата во Турција”.
Забелешките на Арслан дојдоа еден ден откако авионот на претседателот Реџеп Таип Ердоган го направи првото слетување на новиот колосален аеродром во Истанбул, кој се очекува официјално да биде отворен за воздушниот сообраќај на 29-ти октомври.
Министерот рече дека 225.000 луѓе ќе работат на аеродромот.
Новиот аеродром во Истанбул ќе биде еден од трите најголеми аеродроми во светот со годишен капацитет од 90 милиони патници во првата фаза.
Третиот аеродром во градот – од кој 90 отсто е веќе завршен – ќе биде најголемиот проект во светот изграден од нула до завршувањето.
Во првата фаза, аеродромот ќе дочека 90 милиони патници годишно. Во втората фаза, која се очекува да биде завршена во 2023 година, се предвидува дека бројот ќе се зголеми на 150-250 милиони.
