Агенцијата за национална безбедност (АНБ) ако имало било какви индиции за наводно бегство на Јордан Камчев, согласно закон била должна да го извести Бирото за јавна безбедност, а тоа требало да го извести Јавниот обвинител, изјави денеска адвокатот Тони Мениковски, по повод поднесување на Преставка за несовесно и нестручно работење на судијата на претходна постапка до Републичкиот судски совет.
Одбраната на Камчев смета дека доказните прибирани на незаконит начин или со кршење на слободите и правата, како и доказите произлезени од нив, не можат да се користат и врз нив не може да се заснова судска одлука.
– АНБ нема добиено судска наредба за спроведување на мерки за тајно собирање на податоци и информации од страна на судот, односно од страна на Врховниот суд на РС Македонија. Дека се работи за скандалозно изрекување на најстрога мерка за обезбедување (мерка притвор), изречена врз усна белешка на доушник, и не презентирање на докази на нас како одбрана, потврдува и премиерот на РСМ, кој како носител на извршна власт и ингеренции можел да има увид во извештајот на АНБ, изјави Менкиновски.
Одбраната на Јордан Камчев, осмоничен во случајот „Плацеви на Водно”, исто така наведе дека усно од страна на судијата на претходна постапка им било соопштено дека мерката притвор ја изрекуват поради соработка со бугарски агенти и план за бегство. Притоа, адвокатот Менкиновски, наведе дека не им биле презентирани докази и прецизно појаснување на причините поради кои е лишен од слобода Јордан Камчев.
Бизнисменот Јордан Камчев, беше приведен на 14 март годинава, а ден потоа му беше изречеа мерката притвор од 30 дена како осомничен во предметот „Плацеви на Водно”. Одредениот притвор му завршува в среда, но како што известуват медиумите, од ЈО до судот веќе е поднесен нов предлог за продолжување на ова мерка за обезебедување.
